Dua(Prayer)
دُعا
(فدا راجوری)
سبق لولکُ مےٚ پرناوُم خدایا
مےٚ عٔلمِکہِ نوٗرٕ گاہ ناوُم خدایا
بہٕ کرٕ ہا تی ژٕ یٚمہِ سٕتی رأضی روزَکھ
مےٚ رٕ ژٕ رٕژٕ کامہِ ہیٚیچھہِ ناوُم خدایا
مےٚ متہٕ کرناوتَم ناکارگی کانٛہہ
رُتے رُت دِم، رُتُے ہاوُم خدایا
بہ رچھہِ ہا دِل غریٖبن بے کسن ہُنٛد
ژٕ پنَنے کرمہٕ وتھ ہاوُم خدایا
سبق لولکُ مےٚ پرناوُم خدایا
مےٚ عٔلمِکہِ نوٗرٕ گاہ ناوُم خدایا
بہٕ کرٕ ہا تی ژٕ یٚمہِ سٕتی رأضی روزَکھ
مےٚ رٕ ژٕ رٕژٕ کامہِ ہیٚیچھہِ ناوُم خدایا
مےٚ متہٕ کرناوتَم ناکارگی کانٛہہ
رُتے رُت دِم، رُتُے ہاوُم خدایا
بہ رچھہِ ہا دِل غریٖبن بے کسن ہُنٛد
ژٕ پنَنے کرمہٕ وتھ ہاوُم خدایا
بہ مُشکاوُن یژھان چھُس سور عالم
گُلابٕکی پأٹھی پھوٚلراوُم خدایا
مشق
لفٕظ تہٕ معنی
لول : محبت. ماے
رأضی : خۄش. رضا منٛد
ناکارگی : خرأبی. غلط کامہِ
دِل رچھُن : خۄش تھاوُن. ملالہٕ نَہ کرُن
گاہ ناوُن : چمکاوُن. نپہٕ نپہٕ کاناوُن
مُشکاوُن : خۄش بوٗ پھألاوٕنی
سور : سورُے. تمام
جواب لیٚکھو
ا. شُر کٔمِس چھُ دُعا منگان؟
جواب. شُر چھُ خدا صأبس دُعا منگان
ب. شُر کمِہ سٕتی چھُ پرٛزلُن یژھان؟
جواب. شُر چھُ عٔلِمٕکہِ نوٗر سٕتی پرٛزلُن یژھان
ج. غریبن سٕتی کُیٛتھ سلوک گژھہِ کرُن؟
جواب. غریبن سٕتی کژھہِ رُت سلوک کرُن
د. شُر کِژھہٕ کامہِ کٔرتھ چھُ خدا صأبَس رأضی یژھان تھاوُن؟
جواب. شُر چھُ رٕژٕ رٕژٕ کامہِ کٔرتھ خدا صأبَس رأضی یژھان تھاوُن
خألی جایہِ پُروِو
مثال
گِنٛدُن گِنٛد ناوُن گِنٛد ناوُم
لؠکھُن لؠکھناوُن لؠکھناوُم
پرٛزلُن -------- پرٛزلاوُم
ہیٚچھُن ہیٚچھہِ ناوُن
--------- -------- رچھُن
--------- -------- پھۄلُن
--------- --------- پکُن
جواب
گِنٛدُن گِنٛد ناوُن گِنٛد ناوُم
لؠکھُن لؠکھناوُن لؠکھناوُم
پرٛزلُن پرٛزلاوُن پرٛزلاوُم
ہیٚچھُن ہیٚچھہِ ناوُن ہیٚچھہِ ناوُم
رچھُن رچھُہِ ناوُن رچھُہِ ناوُم
پھۄلُن پھۄلہِ ناوُن پھۄلہِ ناوُم
نوٹ بُکس پؠٹھ لیٚکھِو
بہ کرٕ ہا رٕ ژ ژٕ رٕ کامہِ. غریٖبَن کرٕہا مدد
تی کرٕ ہا یٚمہِ سٕتی خدا صأب رأضی روزؠم
پوٚز وَنہٕہا. خدا صأب گوٚژُھم دعا قبوٗل تھاوُن
مثال وُچھِتھ بنأوِو نؤی لفٕظ
| لولکُ | لول |
| ------ | علم |
| ----- | سبق |
| گلابُک | گلاب |
| ------ | آفتاب |
جواب
| لولکُ | لول |
| علمکُ | علم |
| سبقُکُ | سبق |
| گلابُک | گلاب |
| آفتابُک | آفتاب |
خألی جایہِ پُروِو دِنہٕ آمتۄ لفظو سٕتی
بہ چھُس -----------منٛگان
بہ چھُس-----------پران
بہٕ چھُس-------پران
بہٕ چھُس-------گژھان
(سکوٗل. کأم. سبق. دُعا)
جواب
بہ چھُس دُعا منگان
بہٕ چھُس سبق پران
بہٕ چھُس کأم کران
بہٕ چھُس سکوٗل گژھان
