آن پوشہِ تیٚلہِ ییٚلہِ ون پوشہِ

An-poshe-tele-yale-wan-poshe

آن پوشہِ تیٚلہِ ییٚلہِ ون پوشہِ

 وَن چھُ خدایہِ سنٛد اکھ قیمتی خزانہ. یِمو ستٕی چھُ روٗد پؠوان تہٕ ہوا صاف روزان. تکؠازِ کُلؠ چھِ آکسیجن گیس دِوان یُس زن صحتہٕ باپتھٔ واریاہ ضُرورئ چھُ. کُلؠن تہٕ ونن سٕتی چھِ ہہؠکان أسی ژٕنہِ، مکان تعمیر کٔرِتھ بیٚیہ گھریوک فرنیچر بنٲوِتھ ـ فرنیچر بناونہٕ باپتھ یسُیٕ لکٕر ضرورت پیوان چھےٚ سوٚ چھےٚ اسہِ یموٕے ونو منٛز حٲصل گژھان ـ یموٕے بدولت چھ ، اسہِ واریہاے قسمٕکی پوش، میوٕ تہٕ جڑی بوٹی دوا تہِ میلان ـ

ونن منٛز چھِ واریہاے قسمٕکی جانور تہٕ جاناوار روزان ـ تِہنٛدِ سٕتی چھِ اسہِ واریاہ فٲیدٕ تہِ حٲصل گژھان ـ اگرنے ون آسن زمیٖن گژھِ بے کار تہٕ بنہِ بنجر تہٕ ووپدیس نہٕ کُنہِ قسمُک فصٕل ـ توے فرموو حضرت شیخ العا لمن ( رح): زِ

آن پوشہِ تیٚلہِ ییٚلہِ ون پوشہِ

ترجمہ؛ غذا پوشہِ توٚتام یوٚتام جنگل پوشٚن ـ

أزیُک انسان چھُ بے وایہِ پٲٹھی جنگل ژٹان ـ یہِ کتھ چھِ سارے ملکہٕ باپتھ افسوس ناک ـ اسہِ پزؠن نہٕ پنٕنی قٕمتی تہٕ فٲیدٕ بخش وَن ژٹٕنی ـ تہِ کیازِ پتہٕ پیٚیہِ نہٕ روٗد تہٕ زمیٖنس بنہِ سیکہِ صحراو ـ

سرکارن تہِ چھٚے وونؠٕ یہِ کتھ محسوٗس کٔر مٕز زِ جنگل کأ تیاہ چھ سانہِ با پتھ ضروٗری تہٕ یہِ چھِ اسہِ خداین عطا کٔر مٕز دولت ـ وونؠ چھِ پریتھ ؤری مرکزی تہٕ ریاستی سرکارٕ ٫٫ وَن مہوتسو،، مناوون ـ یمن دوہن یہِ مألہٕ آسان چھُ تِمن دوہن چھُ کُلی یوان زیادٕ رُونہٕ ـ

وَن آسنہٕ بدولت چھٚے واریاہ صنعزٕ زنٛد ـ تُلہٕ کُلین ہنٛد ؠن پنہٕ ؤ تھرن پؠٹھ نہ چھے یتُوی یوت یوان کرنہٕ زِ ریٖشم چھےٚ یوان رچھنہٕ بلکہ چھُ ریٖشم تہٕ حٲصل گژھان ـ بلکہ، چھِ أسی شہتوت ہیکان حٲصل کٔرتھ بیٚیہِ ٲسی کُلیٚو سٕتی واریاہ گِنٛد نُک سامان تہِ بناوان ـ

اسہِ پزن خشک تہٕ ننگہٕ بالن پیٹھ تہِ کُلین نٔوراوٕنی تاکہ تِم گژھن سبزہ سبز تہٕ یوتاہ کُلین یِن ژٹنہٕ تمہِ  کھوتہٕ زیادٕ گژھن نٔوی رُونہٕ یِنی ـ