لل دہد

Lal Ded

ذان

لل دہدِ ہُند ناو چھُ پرہتھ کاشرِس زیوِپہٹھ۔ سو چھے لل موج، لل ایشوری تہ لل عارِفہ ناووستی تہِ زاننہ یِوان۔ لل دہد زایہِ از برونہہ الہ پَلہ دون ستھ ہتھ وری سہمپورِ۔ سِم پور چھُ پانپرس نکھہ اکھ گام۔ تسُند مول اوس برہمن۔ تمی پرناوناو لل مُروجِہ تعلیٖم۔ للِ ہُند ووستاد سدِھ مول اوس وقتکُ عالِم۔تمہِ أس شِومتچ پزنہ پاٹھی زان پراومژ۔ لوکہ چارس أس سہ عام کورہو نِشِہ ہنا مختلف۔ تس اوس نہ تماشن تہ عاشن ستی دِل لگان، سہ أس بیون بِدون روزِتھ سونچان، حد کھہو تہ دروکہ نس ستی أس نہ وقت راوران۔

رہوا جہِ مو جوب آوللِ لوکہ چار سے منز پدمن پورِ کھاندر کرنہِ۔ تَس اوس نہ بیَین نوہشن ہندی پأٹھی ونہِ واکھُل،ژھوہپہ کٔرِتھ أس کامہن اٹھ دِوان۔ کأم کار اند واتنأوِتھ أس دیہِ سندِس آسہِ نَس متعلق سونچان روزان، عِبادت کران تہ بیون بِدون روٗزِتھ دے گاران۔ تس پہو وأریُو سہٹھا کروٗٹھ۔ خانداراوسُس ودٗل تہ ہشأس أسس کریٖٹھ،ہیہرِ بابس ورأے أسِس سأری وأرِوی بأژ ہیٖتن تہ ہا نژن زاگان۔ بدرد ونان تہ بے عزتی کران۔ ڈہکہِ مُژرِتھ أسِس نہ زنہے کتھ کران۔ تمہِ کور صَبر، نہ کٔرن زانہہ گراو تہ نہ کورُن واد۔ ہش أسس بانس منز نِلہوٹھ تھوان تہ تتھ پہٹھ بتہ پھولاہ شیران۔ سارِنے اوس باسان للِ ہُند بتہ بانہ اورُت بورُت۔ لل أس یہِ نِلہ وٹھ ہَن چھٔلِتھ بییِہ بانس منز تھاوان۔

دپان اکہِ دوہہہ ییلہِ لل پھیِکس پہٹھ آبہ نوٹ تھأوِتھ یار بلہ پہٹھ گرِکُن پکان أس، خاندارن لو یُس نٔٹِس ریونز۔ تسُند خیال اوس نوہٹ پھُٹہس تہ ہش کرہس بہوأری۔ ریوٗنز لوگ نٔٹِس تہ نوٹ پھُٹ، آب روٗد للِ پھیکی سےِپہٹھ۔ امی آبہ ستی بٔرِن گرس منز موجوٗد سأری ژٔھری بانہ، تمہِ پتہ یوسہ آبہ ہن پیِکس پہٹھ روٗزس سودِژن دأرِتھ، تتھ بنیوو تلاو، یتھ للِ تراگ ونان چھِ۔ لِل دیدِ متعلق چھے یِژھ حأران کرونِہ واراہ کتھوننہ یوان۔

لل دہد أس رژ رژ کتھ شعرن منز باوان، تسندہن شعرہن چھِ ونان واکھ۔ تمہِ دیُت لوٗکن پزرُک، مِلژارک تہسمژارُک سبق۔پزِ دِلہ دے ژھارنَس پہٹھ دِتُن زور۔ تمہِ وون پنہ نِس، ووپرس، پانس تہبییِس منز گژھِ نہ بہن زانُن، بوِچھِ ۂتی گژھن کھیاوںی چاونی۔ تھیکہ ناونہ خأطر گژھِ نہ دیِہ سنز عبادت کرنی، تمام زُو ذأژن ستی گژھِ رُت ورتاو کُرن۔ لل دیِد ہندی واکھ چھِ ازتہِ لوٗکن ژہتَس، سوچھے تھدِ پایِچ شأعر ماننہیِوان۔ دپان سوچھے 1380 عیٖسویس منز ییمہِ عالمہ گٔمژ۔

مشق

ا۔ لفظ تہ مانہِ

English Meaning	مانہِ	لفظ
Contemporary, In fashion	ییمیُک رہواج آسہِ	مُروَجہِ
Highest cast in Hinduism	ہیندہن ہنز اکھ تھز ذاتھ	برہمن
Philosophy of God Shankara	بھگوان شنکر سُند فلسفہ	شِومت
Talkative, Outspoken, Bigmouth, Loquacious	زیاد کتھ کرنہِ، أکی سنز کتھ بییِس وننی	ونہ واکھُل
Hardworking	اندواتناوُن، مکمل کرُن	اٹھ دیُن
Old name of Pampore	پانپرُک پرون ناو	پدمان پوٗر
Quarrelsome, Loose tempered	بد مِزاز، جہل کرن وول	ووٗل
Small pebble, Marble	بانٹہ، لوکُٹ گولہ یُس نشانہ مارنس لگان چھُ	ریوٗنز
Very tough, Hard	کُڈُر، مشکِل	کروٗٹھ
mortar and pestle	سبز رنگہ ڈلأم کٔنی	نِلہ وٹھ
Happily	خوشی سان	ڈہکہ مژُرِتھ
Scolding, Abuse	ناشأیِستہ ونُن، لہکہ	بدرد
God	بگَوان	دَے
Argue, Eristic	واپس ونُن، بُتھ پھِرِتھ ونُن	واد
Excuses	ہیٖتھ لفظکُ جمع، بہانہ	ہیٖتن
Blames	ہانژ لفظکُ جمع، اپزی اِلزام	ہانژن

ب۔ جواب لیکھِو

ا۔ لل دہد کتہِ أس زامژ؟

جواب۔ لل دہد زایہِ از برونہہ الہ پَلہ دون ستھ ہتھ وری سہمپورِ۔ سِم پور چھُ پانپرس نکھہ اکھ گام۔

ب۔ لل دہد کر أس زامژ؟

جواب۔ لل دہد زایہِ از برونہہ الہ پَلہ دون ستھ ہتھ وری۔

ج۔ لل دہِد ہُند وأرِیُوکتہِ اوس؟

جواب۔ لل دیِد ہُند وأرِیُو اوس پدمن پورِ۔

د۔ لل دیِد ہندہن شعرن کیا چھِ ونان؟

جواب۔ لل دیِد ہندہن شعرن چھِ 'واکھ' ونان۔

ر۔ لل دیِد کیا تعلیٖم چھے لوٗکن دِژمژ؟

جواب۔ لل دیِد دیُت لوٗکن پزرُک، مِلژارک تہسمژارُک سبق۔پزِ دِلہ دے ژھارنَس پہٹھ دِتُن زور۔ تمہِ وون پنہ نِس، ووپرس، پانس تہبییِس منز گژھِ نہ بہن زانُن، بوِچھِ ۂتی گژھن کھیاوںی چاونی۔ تھیکہ ناونہ خأطر گژھِ نہ دیِہ سنز عبادت کرنی، تمام زُو ذأژن ستی گژھِ رُت ورتاو کُرن۔

ج۔ لل دیِد متعلق یِم واقہ توہِیہ پٔرِو تمِو منز لیکھِو کانہہ اکھ صِرف پانژن جُملن منز؟

 جواب۔ ا۔ دپان اکہِ دوہہہ ییلہِ لل پھیِکس پہٹھ آبہ نوٹ تھأوِتھ یار بلہ پہٹھ گرِکُن پکانا أس، خاندارن لو یُس نٔٹِس ریونز۔

ب۔ تسُند خیال اوس نوہٹ پھُٹہس تہ ہش کرہس بہوأری۔

ج۔ روٗزِتھ لوگ نٔٹِس تہ نوٹ پھُٹ، آب روٗد للِ پھیکی سےِپہٹھ۔

د۔ امی آبہ ستی بٔرِن گرس منز موجوٗد سأری ژٔھری بانہ، تمہِ پتہ یوسہ آبہ ہن پیِکس پہٹھ روٗزس سودِژن دأرِتھ۔

ر۔ تتھ بنیوو تلاو، یتھ للِ تراگ ونان چھِ۔

د۔ خآلی جایہِ بٔرِو؟

جواب۔

نو لفظ	نو لفظ	لفظ
نٹہن	نٔٹہی	نوٹ
کٹہن	کٔٹی	کوٹ
ژھوٹہن	ژھوٹی	ژھوٹ
لٹہن	لٹہی	لوٹ
ہٹہن	ہٹہی	ہوٹ
پٹہن	پٹہی	پوٹ
موُٹہن	مٹہی	موٹ
ووہچن	وچہی	ووٹ

ر۔ یِمن رشتن ہُند ناو ؤنِو تہ لیکھِو؟

جواب۔

رشتہ	ناو
نوش	نیچوی سٕنز خانہٕدار ینی
زامتُر	کورِ ہُند خانہٕ دار
ہِش موج	خانہٕ دارٕسنز موج
زام	خاندارٕ سنز بینہِ
مأسہ ہِش	خاندارٕ سٕنز ماس
دیرہی	خاندارٕ سُند بوے
سأج بنیہ	خاندارٕ سٕنز بأے کاکٕنی
سأل	خاندارِنہِ ہٕنز بینہِ
ہہر	خاندارِ نہِ ہُند بوے
ہہر کاکٕنی	خاندارنہِ ہٕنز بأے کاکٕنی

ہ۔ "ا" خانس منز درج جُملہ اڈ رلأوِو "ب" خانہ کہن منأسِب جُملہ اڈن ستی تہ بنأوِو پانژھ مانِہ دار جملہ

جواب۔ 

ب	ا
سم پورِزامٕژ	لل دہد آس
پدمان پور	للِ تراگ چھُ
لل دیدِ ہُند ووستاد	سِدٕھ مول اوس
اوس ووٗل	لل دیِد ہُند خانہ دار
سہٹھا کروٗٹھ	تس پیو وآرِیو