Soun Watan

سون وطن

. لفظ تہٕ معنی  

نُنٛد بون.            خۄش یِوُن، خوٗبصوٗرت

فرحت.             خوٚشی، سۄکھ، راحت

زُوُن.                زِنٛدٕ روزُن. لَسُن

ذأژ.                 قٕسم

روشن.             چمکہٕ وُن

 جواب لیٚکھِو

ا. وطنہٕ کِس صاف ہَو ہَس کیٛاہ تأثیٖر چھُ؟

جواب. وطنہٕ کِس صاف ہَو ہسَ چھ زندگی زُوُنک تأتیٖر.

ب. روٗنہٕ گا شَس منٛز کَتھ ہِوی چھِ اَسہٕ وٕنی پوش باسان؟

جواب. زوٗنہٕ گاشَس منٛز چھِ اَسہٕ وٕنی پوش نَپون تا رَکھ باسان

ج. شِہلی کُلہن ہُنٛد کیٛا فأیدٕ چھُ؟

جواب. شِہلی کُلی چھِ وتن أنٛدی أنٛدی روٗزتھ مُسافٛرن شُہل بخشأن.

د. ترٛیشہِ ہتہن کُس چھُ ژھاران؟

جواب. ترٛیشہِ ہتہن چھُ آر ژھاران

 یِم شعر لیٚکھِو نثرس منٛز

دَوان   آرٕ  ترٛیشہِ.   ہتہن    ژھارنے             تھوٚکمُت تہِ یُس آسہِ تَس پرٛارنے

شِہلی کُلی چھِ أنٛدی أنٛدی روٗزِتھ وتن             یہِ  سونُے  وطن  نُنٛدٕ  بونُے وطن

جواب. یِمن شعارن منز چھُ شأعر عبدالاحدآزاد وطنٕ کنِ آرٕن تعریف کرآن ونأن دریاؤ چھ ترٛیشہِ ہتہن ژھاران تہٕ شِہلی کُلی چھِ تھوٚکمتن خاطرٕ وتن أنٛدی أنٛدی روٗزِتھ

 یِمن لفظن ہنٛدی ہیٚجہِ حرف چھِ بیوٚن بیوٚن، مگر آواز تہٕ شکل چھَکھ رَلہٕ وٕنی

مثال:  و+ت+ن.  = وتن

و+ط+ن = وطن         

ک+ت+ن= کتن         

ق+ط+ع+ن= قطعن        

مثال وُچھِتھ کٔرو یِمَن لفظن ہیٚجہِ باگنے تہٕ لیٚکھِو نوٹ بُکس پیٹھ

  ف+ض+ا= فضا        

ہ+و+ا= ہوا        

د+و+ا = دوا        

ر+و+ا= روا        

ن+و+ا = نوا       

گ+و+ا+ہ= گواہ        

ق+و+ن+وٗ+ن= قونوٗن       

م+ض+م+وٗ+ن= مضموٗن       

م+و+ز+وٗ+ن= موزوٗن       

یِم لفظ کٔریوٗکھ جُملَن منٛز استعمال

چھُ = سونُ وطن چھُ نُنٛدٕ بونُ

چھِ= آسمانَس چھِ تارَکھ نَپن

اوس= راتھ اوس روٗد پہوان

أسی= راتھ أسی آسمانَس تارَکھ

چھےٚ= چھےٚ زَن سۄرگہٕ حوٗرا تَن مَن چھٔلتِھ

آسہٕ= تھوٚکمُت تہِ یُس آسہِ تَس پرٛارن شِہلی کُلی

مثال وُچھِتھ پُروِو خألی جایِہ

مثال: اَکھ ژٔر - زٕ ژَرِ.     اَکھ کُل - زٕ کُلی

اَکھ گٔر - زٕ گٔرٕ.      اَکھ ڈُل - زٕ ڈُلی       

اَکھ نٔر - زٕ نٔرٕ.       اَکھ بُلبُل - زٕ بُلبُل       

اَکھ تھٔر - زٕ تھٔرٕ.   اَکھ وُل - زٕ وُلی       

اَکھ لٔر - زٕ لٔرٕ.       اَکھ تُل - زٕ تُلی       

بونہٕ کنہِ دِنہٕ آمتہن اشارَن ہٕنٛدِ مدتہٕ سٕتی لیٚکھو  میون وطن عنوانَس متعلق مضموٗن

میون وطن چھُ خوبصوٗرت. روشن فضا. صاف ہوا. دأدی چھِ بلان. پوش. کۄلہٕ. آرٕ. شِہِلی کُلی. تھزرٕ پہٹھہٕ نظر ترٛأوِتھ چھُ دِل پھۄلان. بُلبُل تہٕ گُل. سأری چھِ خۄش. بال. ناگ. جاناوار.

میون وطن

میون وطن چھُ واریاہ خوبصوٗرت. وطنک روشن فضا تہٕ صاف و خۄشبو ہوا چھُ زندگی فرحت بخشآن. تہٕ دأدی بلراوان. مینس وطنس منز چھِ رنگہ رنگہ پوش . آرٕ کۄلہٕ چھ ترٛیشہِ ہَتہن ترٛہش چاوان تہٕ شِہلی کُلی وتن أنٛدی أنٛدی روٗزِتھ مسافرن شُہل بخشان. مینس وطنس کن چھےٚ تھزرَن کھٔسِتھ بۄن کُن نظر کرتھ غم ژلان،دل پھۄلان تہٕ جِگر شیٚہلان. میون وطن وچھتھ چھےٚ بُلبُل تہٕ گُل خۄش. میانہٕ وطنک بال، ناگ، وچھتھ چھےٚ جاناوار تہٕ خوش.

یٚیمہِ ناوتہِ سٕتی کُنہِ چیٖزَس، انسانَس، جایہِ تہٕ حیوانَس کُن اِشارٕ کرنہٕ یِوان چھُ تَتھ چھَ اشارٕ ناوُت ونان. ہم، ہُہ، یہِ، یِم، یِمیہٕ بیترِ چھِ اِشارٕ ناوٕتی.

یِمَم جُملو منٛزٕ ژأرِو اشارٕ ناوٕتی

ہۄ کوٗر چھےٚ میٛأنی بٚینہِ

ہُمہٕ کورِ چھےٚ میٛانہِ بٚینہِ

یہِ قلم چھُ مےٚ خۄش کران

یِمہٕ کِتابہٕ چھےٚ میٛانہِ

ہُہ چھُ محنتی لڑکہٕ

تِم چھِ ہُتھ بونہِ نِش

جواب۔ 

ہۄ کوٗر چھےٚ میٛأنی بٚینہِ

ہُمہٕ کورِ چھےٚ میٛانہِ بٚینہِ

یہِ قلم چھُ مےٚ خۄش کران

یِمہٕ کِتابہٕ چھےٚ میٛانہِ

ہُہ چھُ محنتی لڑکہٕ

تِم چھِ ہُتھ بونہِ نِش

٭٭٭٭٭٭٭٭٭٭٭٭٭٭٭٭