پا لیتھین

لفظ تہٕ معنی

لفظ	معنی	English Meaning
زَکھ	نۄقصان، ددارٕ	damage
ورتاو	استعمال	Use
یُپ	سٔہلاب	flood
الوٗدگی	گندگی	pollution
پالیٖتھین	موم جامہ	polythene
بے بۄو زمین	سُہ زمین یتھ نہٕ فصل وۄپدِ، بنجر زمین	infertile, barren
فرہنگی	بیٖروٗن ملککُ روزن وول	foreigner, British
اپناوُن	استعمال کرُن، پانہٕ ناوُن	to use, to own
ماحول	اۄنٛد پوٛک	Environment
کھہہ	سُہ زمین ییٚتہِ فصٕل چھُ وۄپدان	aeriable land,crop field
پُشرُن	کانٛہہ چیٖز یورے دیُن	to offer
رضا کار	کُنہِ معاوضہٕ ورٲے کأم کرن وول	volenteer

 

جواب لیکھو

سوال: پالیٖتھیٖنہٕ سٕتی کیا کیا نۄقصان چھُ واتان؟

جواب: پالیتھین سٕتی چھُ ماحولیاتی ألوٗدگی سپدان۔ یِم پالیٖتھین بیگ یا لفافہٕ چھنِہ زمینِہ اندر سڈان تہٕ یِم چِھ سأنی زمیٖن بُرباد کران۔ اتھ چھِ بمأری نَوان تہٕ یہِ چھنہٕ فصلس قأبل روزان۔ یا کھینکُ دُوہ چھِ صحتہٕ باپتھ سہٹھاہ مضر، تہٕ امہِ سٕتی چھ 

سون ہوہُک ماحول خراب گژھان۔

سوال: پالیٖتھیٖن کیازِہ چھُ دۄہ کھوتہٕ دۄہ پریشأنی پأدٕ کران؟

جواب: پالیٖتھینکُ استعمال چھُ دۄہ کھوتہٕ دۄہ بڈان تہٕ عام لکُھ چھِ یہِ بے وایہِ استعمال کران ییٚمہِ کِنی یہِ سانہِ زمینہِ ہنٛز پأداوأری صلاحیت چھِ ضایع کران تہٕ اتھ بنجر بناوان۔ امہِ کِنی چھِ امہِ سٕتی دۄہ کھوتہٕ دۄہ پریشأنی ہُران۔

سوال: جموں کشمیر سرکارن کتھ اؠکٹس تحت چھُ پالیٖتھیٖنس پؠٹھ پابندی عأید کٔرمٕژ؟

جواب: جموں کشمیر سرکارن چھُ Biodegradable Act 2007 تحت 

پالیٖتھیٖنس پؠٹھ پابندی عأید کٔرمٕژ۔

سوال: پالیٖتھیٖن کھہنہٕ سٕتی کیا نۄقصان چھُ چاروایَن واتان ؟

جواب: پالیٖتھیٖن کھہنہٕ سٕتی چھُ سانیٚن چارواین موتُک سامان بنان۔ موم جام یا پالیٖتھیٖن چھُ تِمن أٔدرمَن تہٕ شِکمس منٛز یِہ نہَ شرۄپنہٕ کنی انفیکشن پأدٕہ گژھان، یٚیمہِ سٕتی تِم مٔرتھ تہِ ہؠکان چھِ ۔

سوال: پالیٖتھیٖنَس رۄٹ کرنہٕ باپتھ کمہٕ قدم پزن اسہِ تُلٕنی؟

جواب: اسہِ پزِ پالیٖتھیٖنکس استعمالس رۄٹ کرُن، اسہِ پزِ سوداسلف مٔلی ہیٚنہٕ باپتھ پانس سٕتی بیگ یا تھیلہٕ سٕتی تُلُن اگر نہٕ کُنہِ جایہِ تہِ ممکن سپدِ تیٚلہِ پزیٚن اسہِ کپڑو بیگ/تھیلہٕ استعمال کرٕنی. تعلیمی ادارن اندر پزِ اسہِ بچن اندر بیدأری پأدٕ کرٕنی۔ کمپنی وألی گژھن پالیٖتھیٖن بیگ استعمالس ٹھاکھ لاگٕنی تہٕ موٚٹی لفافہٕ یا کاغزی بیگ بناوٕنی، یمہِ کِنی اتھ رۄٹ ہیٚکہِ لگٔتِھ ۔

سوال۔ کالم 'الف' رلٔاوِو کالم 'ب' یَس سٕتی:

جواب:

'کالم 'الف	'کالم 'ب
آب	چھُ زندٕ روزنہٕ باپتھ ضروری
ماحول	گژھِ صاف تھاوُن
کُلی کٔٹی	لاگنہٕ سٕتی چھُ ماحول صاف روزان
پالیٖتھیٖن چھُ	انسأنی صحتہ باپتھ مُضر
قۄدرتی وسیٖلن	گژھِ رأچھ راوَٹھ کرٕنی

 سوال: مثال وُچھِتھ لیٖکھِو وأحد ناوٕتؠن جمع ناوٕتی:

جواب:

واحد ناوٕتی	جمع ناوٕتی
آوُر	آوٕری
دود	دٔدی
دٔج	دجہِ
آفت	آفٔژ
خصلت	خصلژ
ژنٛڈ	ژنجہِ
کھیٚول	کھیٚلی

سوال: ماسٹر جیَس پرژھِتھ کٔری یوٗکھ یمہٕ محاورٕ جملن منٛز استعمال:

جواب:

محاورٕ	جملہ
لول بُرن	اسہِ پِز کلؠن کٹؠن سٕتی لول برُن
کنس کشُن	مجید اوس کتھ تام خیالس منٛز سٔنِتھ کنس کشان
بُتھِ لگُن	اسہِ پِز نہٕ پنہٕ نؠن بُزرگن بُتھِ لگُن
اتھٕ تُلن	اسہِ پزِ ہمیشہ بوروٲلِس مدد کٔرتھ تٔمس اتھٕ تُلن
آسمانہٕ پیٚون	ییٚلہِ حمید صأبن رزلٹ بوٗزپنہٕنِس نٚیچوس سُنٛد سُہ پیٚو آسمانہٕ

سوال: یِمن عنوانَن متعلق لیٖکھو داہ داہ جملہ:

ا۔ پالیتھیٕنکی مضراثرات            ب۔ کُلؠن ہٕندٛی فأیٕد

جواب۔

پالیٖتھیٖنٕکی مضر اثرات

پالیتھین چھُ انسأنی صحتہٕ باپتھ مُضر۔ امہِ سٕتی چھےٚ سأنی زمین بنٛجر بنان۔ پالیٖتھیٖن سٕتی چھ سأنی زمین ناکارٕ گژھان۔ امہِ سٕتی چھُ سون ماحول خراب گژھان۔ امہِ سٕتی چھ سانیٚن کۄلن تہٕ نالیٚن تھوٚپ یوان۔ امہِ سٕتی چھُ سہلاب یِنکُ خطرٕ روزان۔ امیٚک دٕہہ چھُ صحتہٕ باپتھ سہٹھاہ مُضر۔ پالیٖتھیٖن کھؠنہٕ سٕتی چھِ سانیٚن چارواین أندرم خراب گژھان۔ امہِ سٕتی چھےٚ جایہِ جایہِ گندگی ہٕندی ڈھیر بنان تہٕ چھُ انسانن تہٕ 

جانورن باپتھ سؠٹھاہ مشکل۔ پالیٖتھیٖن چھُ ہوا آلوٗدٕ کران۔

کُلؠن ہنٛدی فأیٕدٕ

کُلؠن ہٕندٛی چھِ اسہِ واریاہ فأیدٕ۔ کُلی چھِ اسہِ صاف ہوا دِوان۔ کُلی چھِ اسہِ مؠوٕ فراہم کران۔ کُلیٚو سٕتی چھُ سون ماحول صاف روزان۔ کُلؠن ہُنٛد شٚیہجار چھُ اسہِ گرمہٕ ژنٛجہِ نشہِ بچاوان۔ کلؠن ہُنٛد آسُن چھُ سون آکسیٖجن محفوظ۔ کُلی چھِ اسہِ دواتہٕ کاغزتہِ فراہم کران۔ کُلؠن ہنٛز پھُلے چھےٚ سأنِس دِلس سؠٹھاہ خۄش گژھان۔ کُلیٚو سٕتی چھِ محولکُ توازُن قأیم روزان۔ کُلی کٔٹی چھِ صاف آکسیٖجن فراہم کٔرتھ دادیٚو نشہِ مچھِ تھاوان۔ کُلی چھِ اسہِ امہِ علاوٕ لٕکٔر تہِ دستیاب تھاوان۔